آلوبسان دینمی ای قاره گوز ایماندا اوستونده

یو لوندا باش ورن چوخدیر نه من تک جان دا اوستونده

مریض عشقیوم دنیا طبیب اولسا علا جیم یوخ

ایدنمز چاره جالینوس اولا لقماندا اوستونده

اتوز دوم بو قمار عشقیده هر چند لیلاجم

گدوب دارو نداریم قوی گده درماندا اوستونده

ورولار هر طرفدن طعنه و تیر عاشق زاره

کمان قاشلاره قربان آت گله پیکاندا اوستونده

قولاق ور آهی آه اوستن چکور عاشق چوخ آهسته

یاغیر تیر ملامت اوستونه بهتاندا اوستونده

چاتوب اوج کماله لوح حسنونده غزل جانا

قلم،دفتر فدا بو حسنووه دیواندا اوستونده

نه چین چین ایلیوبسن چین چینونده قرا زلفون

چکوبسن بنده عشاقی من نالاندا اوستونده

گدوب یغمایه عقلیم دربدر چوللرده ویلانم

انیسیم قوشلار اولموشسا دلی جیراندا اوستونده

پریشان زلفلرون تک اسمیشم باد حوادثله

یوخ ایندی ذره باکیم گلسه مین طوفاندا اوستونده

مخیر ایتمیشم ثالث گیدن گیدسین قالان قالسین

سرو سامان اولا یا ننگ و نام  عنواندا اوستونده

                                           {ثالث}

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: